BB 女第一次病

阿女第一次發燒（9個半月大），老婆打電話問法國醫院，醫院就話仁安醫院夜晚有急診專科比較好，就過左仁安睇。前後入左兩次，第一次過去就話觀察兩日，開左d退燒藥，一係感冒，一係玫瑰疹。翻屋企過左兩日都係無退燒，第二次過去醫生就建議入院觀察。

BB頭尾係醫院住左兩晚，第一晚仲有少少燒，第二日中午開始就無燒，下午就出疹了，跟住隔多日就出院。頭尾兩晚，半私家房收費一萬二左右（全部雜費藥費包曬）。本身有幫小朋友買保險，睇過下基本上都可以全claim。雖然唔係好大問題，但係醫院大人真係舒服d，有張貼紙可以自動mon住小朋友體溫，唔洗大人好緊張成日用探熱隊BB耳仔。小朋友都無甘容易發脾氣。

前後有三位醫生睇過阿女，特別多謝翻第一晚（得第一晚係醫生睇緊我在場）急診的李家興醫生，檢查小朋友好快手，好熟手，以後有咩應該都係去翻仁安。 👍